Түркияда президенттік сайлау нәтижесі жарияланды

Түркияның Жоғарғы сайлау комиссиясы сайлау нәтижесін жариялады, деп хабарлайды Qazaqinfo.kz.

Режеп Тайып Ердоған 49,24 пайыз дауыс жинаған. Ал оппозиция лидері Кемаль Кылычдароғлыға сайлаушылардың 45,07 пайызы дауыс берген. 1 млн 20 мыңдай дауыс жарамсыз деп танылған.

Мемлекет басшысын таңдауға халықтың 88,92 пайызы қатысқан. Бұл елде президенттік сайлау 14 мамырда болды. Кандидаттар қажетті дауыс жинамағандықтан, 28 мамыр күні Түркияда президенттік сайлаудың екінші кезеңі өтеді.

Фото: haberdairesi.com