Даудың басы – Дайрабайдың Жигулиі: Оның отставкасын талап еткен петиция жарияланды
Парламент Мәжілісінің депутаты Жигули Дайрабаевтың отставкасын талап еткен петиция жарияланды, деп хабарлайды Qazaqinfo.kz.
Президенттік сайлауға түскенінен бастап оқтын-оқтын халық арасында талқыланып жүрген депутат Дайрабаев жайлы тағы әңгіме шықты. Анығы оның отаставкасын талап еткен петиция жарияланды. Петиция авторы депутаттың екі ұлы жемқорлықпен ұсталғанын, мемлекетке келтірілген 550 миллион теңгелік шығын қалпына келтірілмегенін жазған. Оған қоса Дайрабаевтың өз ұлдарын жақтап, қорғап сөйлегенін сөккен.
Сонымен қатар, петицияда Дайрабаевтың ұлдарына қатысты жанжалда депутаттың да аты-жөні айтылғаны жазылған.
Компания өз елді мекенінде алаяқтық жолмен 10 мың гектар жерді иемденген. Ауыл тұрғындарына дивидендтер уәде етілді. Алайда олар ешқандай пайда таппады. Бұл мәселеде мәжілісмен Жигули Дайрабаевтың есімі де аталды. Алайда депутат бұл алаяқтыққа қатысы бар екенін көпшілік алдында жоққа шығарды, – делінген петицияда.
Бүгінде петициямен 1531 адам келіскен. Петицияны қолдаған азаматтар депутат Жигули Дайрабаевтың өз өкілеттігінен бас тартуы керек деп санайды.
Фото: ашық дереккөз
