Пәкістанда қар көшкінінен 10 адам қаза тапты

Пәкістанның солтүстігінде қар көшкіні кезінде кем дегенде 10 адам қаза тапты, деп хабарлайды Qazaqinfo.kz NDTV арнасына сілтеме жасап.

Тағы 25 адам жарақат алды. Қар көшкіні Шонтер асуына жақын жерде құлаған. Шенеуніктердің айтуынша, іздестіру-құтқару жұмыстарына ауа райының қолайсыздығы мен оқиға орнының шалғайлығы кедергі келтіруде.

Құтқару қызметінің өкілі 35 адамнан тұратын топ Кашмирден қайтып келе жатқанын және шатқал маңында лагерьге қонғанын айтты. Сол түні оларды қар көшкіні басып қалған.

Бұған дейін Пәкістан азаматтары Қазақстан шекарасын заңсыз кесіп өткенін жазған болатынбыз.

Фото: КТК