Қазақстанда пәтер жалдау ақысы тағы да қымбаттап кетті

Қазақстанда тұрғын үйді жалға алу тағы да қымбаттап кетті, деп хабарлайды Krisha.kz.

27 маусым мен 26 шілдені салыстырғанда, 1 айда баға 4,2% өскен. Өсім 13 қаланың 11-де тіркелген.

Тұрғын үйді жалға беру бойынша ұсыныстар бағасына жүргізілген мониторинг нәтижесі мынадай:

Қостанай, Петропавлда – 10%;

Алматы, Шымкентте – 7%;

Ақтауда – 5%;

Ақтөбеде – 4%;

Астана, Қарағанды, Оралда – 3%;

Павлодар, Көкшетаудa 2% артты.

Атырауда баға өзгерген жоқ. Ал Өскеменде 1 пайыз төмендеді.

Сұраныс пен жалдау бағасының өсуі шілденің ортасында басталды.

27 шілдедегі тұрғын үйді жалға алудың орташа бағасы мынадай:

бір бөлмелі пәтер – 124 мың теңге;

екі бөлмелі пәтер – 165 мың теңге;

үш бөлмелі пәтер – 209 мың теңге.

Фото: elements.envato.com