Әнші Абай Бегейдің ұлы хиджабтағы қызға үйленбек

Танымал әнші Абай Бегей әлеуметтік желідегі парақшасында қуанышты хабармен бөлісті, Skifnews.kz-ке сілтеме жасаған Qazaqinfo.kz.

Әншінің ұлы Бәдинұр есімді аруға тұрмысқа шығуға ұсыныс жасаған. Жалғастың таңдауы орамалды қыз болып шықты.

Қазақ елі, сүйінші! Ұлымның жаңалығымен бөлісіп қояйын. Алда отбасымызда ұлан-асыр той. Бұйырса тума-туыс, дос-жаран, барлық жақындарымызды тойда күтеміз. Аллама шүкір. Ұлым үлкен өмірге қадам басып жатыр. Жастар бақытты болсын, – деп жазды Абай Бегей.

Абай Бегейдің қызы Ерке мен екінші әйелі Фариза да жағымды жаңалықтарымен бөлісіп, көпшіліктен сүйінші сұрады

Көптен күткен күнге де жеттік. Дәл қазір артымнан ерген тетедей бауырым, қаным, бүгінде ұрпағымызды жалғастырар жар тауып, өзінің сүйіктісіне үйленуге ұсынысын білдірді. Қадамыңа гүл бітсін, ботам. Берекелі шаңырағымызға қош келесің! Эмоциямды айтып жеткізе алмаймын. Келін өзіме ұқсай ма, қалай, – делінген жазбада.

Ал желі қолданушылары болса Абай Бегейдің болашақ келіні марқұм енесіне ұқсайтынын айтып, жарыса жазды.

Фото: instagram.com/abai_begei