Алматыда фильм түсіруге бөлінген 400 миллион теңгеден аса қаржы ұрланған

Алматы прокуратурасы ұлттық киноны қолдауға бөлінген бюджет қаражатының ұрланғанын анықтады, деп хабарлайды Qazaqinfo.kz.

Алматы прокуратурасы «Шәкен Айманов атындағы Қазақфильм» АҚ-ты тексеру қорытындысы бойынша аса ірі көлемде бюджет қаражатын ұрлау дерегі бойынша соталды тергеп-тексеруді бастады.

Алдын ала мәлімет бойынша, фильм түсіруге бөлінген 400 миллион теңгеден астам қаржының ұрланғаны анықталды.

Соталды тергеп-тексеруді Экономикалық тергеп-тексеру департаменті жүргізіп жатыр, — делінген хабарламада.

Фото: ашық дереккөз