Ақмола облысында 2,5 жыл бұрын жоғалған әйел табылды

Ақмола облысының полицейлері 2,5 жыл бұрын жоғалған әйелді тапты, деп хабарлайды Qazaqinfo.kz.

Целиноград ауданының криминалдық полиция бөлімінің қызметкерлері 2021 жылдың мамырында отбасындағы жанжалдан кейін жоғалып кеткен қарт әйелді Қарағанды облысының аумағынан тапты. Целиноград ауданында тұратын ұлы мен келіні анасының жоғалып кеткені туралы полицияға арызбен жүгінген. Өздері де іздемек болған, алайда іздестірулері сәтсіз болған.

Атқарылған жұмыстардың нәтижесінде әйелдің орналасқан жері анықталды. Белгілі болғандай, ақмолалық көрші облыста жұмысқа орналасыпты.  Алдағы уақытта отбасына оралғысы келмейтінін айтты.

Фото: Polisia.kz