Қазақстан Азиядағы ең «жалқау» ел деп танылды

Украиналық блогер белгілі бір штаттағы орташа жұмыс аптасын салыстыра отырып, әр континенттегі ең еңбекқор және ең “жалқау” елдер рейтингін құрастырды, деп хабарлайды Qazaqinfo.kz.

Ол Австралия мен Океания сияқты аз жұмыс істейтін  елдерден бастады,  Австралия тұрғындары аптасына 32 сағат, Жаңа Зеландияда 33 сағат жұмыс істейді.

Еуропадағы ең еңбекқор елдер — Украина, Польша және Греция. Бұл елдердің азаматтары аптасына орта есеппен 40 сағат жұмыс істейді. Ең аз еңбек ететін елдер –  Германия мен Ұлыбритания, онда аптасына 33 сағат жұмыс істейді. Бірақ Германия Еуропадағы еңбек өнімділігі ең жоғары ел, сондықтан олар өте аз жұмыс істесе де, жақсы нәтиже көрсетеді.

Солтүстік Америкада ең еңбекқор мемлекет – Мексика (аптасына –  45 сағат). Ең аз жұмыс істейтін ел – АҚШ (аптасына – 34 сағат).

Колумбия Мен Перу – Оңтүстік Америкадағы ең еңбекқор мемлекеттер, онда адамдар аптасына орта есеппен 45 сағат жұмыс істейді. Ал 39 сағаттық жұмыс аптасы тіркелген Бразилия және 34 сағаттық жұмыс аптасы бар Аргентина аз жұмыс істейтін елдерге жатады.

Азияда жұмыс аптасы орташа есеппен 36 сағатты құрайтын Қазақстан ең “жалқау” ел болып танылды, ал Бангладеш ең еңбекқор мемлекет – аптасына 49 сағат.

Әлемдегі ең еңбекқор континент – Африка, онда ең ұзақ жұмыс аптасы Египетте 53 сағат, Мавританияда 54 сағат болып тіркелген.

Фото: ашық дереккөз