Алматыда полицей шетелдік әйелді итеріп жіберген (ВИДЕО)
Алматыда полиция қызметкері қызметтік көліктің есігін ашпақ болған шетелдік әйелді дөрекі түрде итеріп жіберді, деп хабарлайды Tengrinews.kz.
Оқиға әлеуметтік желілерде тарап, қолданушылар арасында қызу пікірталас тудырды. Бейнежазбада полицейдің қызмет көлігінің есігін қалай жаппақ болғаны, бірақ бірнеше әйел оған рұқсат бермей жатқаны көрінеді. Осыдан кейін ер адам олардың біріне дөрекі күш қолданады. Оның бұл әрекетіне ашуланған шетелдік әйелдер кейін адвокатты талап еткен.
Осыған байланысты Tengrinews.kz редакциясы түсініктеме алу үшін қалалық Полиция департаментінен сұраған еді.
Аталған іс бойынша қызметтік тексеру басталды. Департамент басшылығы полиция қызметкерінің дөрекі іс әрекеті үшін баға беретін болады, — деп мәлім етті Алматы қалалық Полиция департаментінің баспасөз қызметі.
Осыған байланысты Tengrinews.kz редакциясы түсініктеме алу үшін қалалық полиция департаментінен сұраған еді.
Фото: видеодан скриншот
