Президент Бердібек Сапарбаевтың отбасы мен туған-туыстарына көңіл айтты
Президент Қасым-Жомарт Тоқаев мемлекет және қоғам қайраткері Бердібек Сапарбаевтың қайтыс болуына байланысты отбасы мен жақын туыстарына көңіл айту жеделхатын жолдады, деп хабарлайды Qazaqinfo.kz.
Оқи отырыңыз: Мемлекет және қоғам қайраткері Бердібек Сапарбаев қайтыс болды
Бердібек Машбекұлы ұзақ жылғы еселі еңбек жолында лауазымды қызметтерді абыроймен атқарып, еліміздің саяси-экономикалық, әлеуметтік-мәдени өркендеуіне және өңірлерді дамытуға мол үлес қосқан еді. Мемлекетіміздің сындарлы саясатын зор біліктілікпен жүргізе білді. Қазақстанның беделі мен мәртебесінің арта түсуіне қажыр-қайратын жұмсады. Азаматтық қадір-қасиетімен ел ішінде құрметке бөленді. Соңына өшпес із қалдырған Бердібек Машбекұлының есімі мен жарқын бейнесі халқымыздың жүрегінде мәңгі сақталады. Марқұмның иманы саламат, жаны жәннатта болсын, – деп жазылған жеделхатта.
Фото: ашық дереккөз
