Қоғам
Кәрім Мәсімов терроризмді қаржыландыруға қатысы бар тұлғалардың тізіміне енді
![](https://qazaqinfo.kz/wp-content/uploads/2023/07/nnnn-780x470.jpeg)
Ұлттық қауіпсіздік комитетінің бұрынғы басшысы Кәрім Мәсімов пен оның бұрынғы орынбасарлары терроризм мен экстремизмді қаржыландыруға қатысы бар тұлғалардың тізіміне енді, деп хабарлайды Qazaqinfo.kz.
Қаржы мониторингі агенттігі сайтының мәлім еткендей, 1 шілдеде тізімге бірқатар тұлға қосылды. Олардың қатарында Кәрім Қажымқанұлы Мәсімов пен оның бұрынғы орынбасарлары – Әнуар Төлеуханұлы Садықұлов пен Дәулет Еділұлы Ерғожин бар.
Сонымен қатар, 1 шілде жарияланған тізімде басқа да есімдер пайда болды. Олардың қатарында Тәңірбергенов Арман Тәңірбергенұлы және Швецов Алексей Анатольевич бар.
Фото: Sputnik/Екатерина Штукина