Павлодар облысы әкімінің бірінші орынбасары жол апатына ұшырады
Аймақ басшысының бірінші орынбасары Серік Батырғожинов жол-көлік апатына ұшырады, деп хабарлайды Qazaqinfo.kz облыс әкімінің баспасөз қызметіне сілтеме жасап.
Басқа көліктер жол апатына түспеді, зардап шеккен жоқ. Әкімнің орынбасары қызметтік көлікте жүргізушісімен келе жатқанда көлік кюветке ұшып кетті. Серік Батырғожиновтың өзі кішігірім зақым алған, жағдайы тұрақты, – деді баспасөз қызметінде.
Еске сала кетейік, Майқайың кенішіндегі жазатайым оқиғаның себептерін тергеу мақсатында комиссия жұмыс істейді. Құрамына Павлодар облысы әкімінің бірінші орынбасары Серік Батырғожинов, «Майқайыңалтын» АҚ бас директоры Қуаныш Ботин, өнеркәсіптік қауіпсіздік комитеті, еңбек басқармасы, кәсіби әскерилендірілген авариялық-құтқару қызметтерінің республикалық орталық штабы, кәсіподақ ұйымы департаментінің басшылары мен мамандары кірді.
Ол облыс әкімі орынбасары лауазымына 2023 жылдың қаңтар айында тағайындалған болатын.
Фото: primeminister.kz
