«Рэкетке тұрмысқа шықтым»: Баян Алагөзова бұрынғы күйеуі туралы шындықты жайып салды
Танымал продюсер Баян Алагөзова Zamandas подкастына берген сұхбатында түсіріп жатқан «Сакура. Иц май лайф» атты жаңа фильмі туралы айта келе картинаның жеке өміріне қатысы бар екенін жайып салды, деп жазады Ulysmedia.kz.
Бұл менің жеке өмірімнен ғана емес, 90-жылдары кездескен көп адамның өмірінен алынған. Және ол жасанды емес. Бұл қиял емес. Әрбір сөзі, әрбір эпизод өмірден алынған, – дейді продюсер.
«Сізге қылмысқа қатысы бар осындай балалар ұнады ма?» деп сұрақ қояды жүргізуші.
Оқи отырыңыз: Тұрсен Алагөзовтің бұрынғы әйелі жеке өмірі туралы кітап жазып шықты
Мен сондай адамға тұрмысқа шықтым. Оның соңы қалай аяқталғанын бәрі біледі. Ол кезде бұл жігіттердің, рэкеттердің күші бар еді. Оларда билік те, ақша да болды. Іс жүзінде барлығын тұншықтырды, — деп жауап берді Баян Алагөзова.
Осы орайда продюсер бұрынғы күйеуімен қалай ажырасқанын айтты.
Мен ажырасу туралы шешімді көп уақыт бұрын, тіпті ажыраспас бұрын қабылдадым. Бірақ ол, әрине, айырылысқысы келмеді, — деді ол.
Еске сала кетейік, белгілі продюсердің бұрынғы күйеуі Бақытбек Есентаев 2022 жылдың шілдесінде бостандыққа шықты. Әйелін ұрып-соғып, өлтірмек болды деп сотталған ол алты жылға жуық абақтыда отырды.
Фото: today.kz: UGC
