Қоғам
Марат Бекетаевты қамау мерзімі тағы да ұзартылды
Бұрынғы Әділет министрі Марат Бекетаевты қамауда ұстауды тағы бір айға ұзартылды, деп хабарлайды Qazaqinfo.kz.
2024 жылғы 12 ақпанда Астана қаласының мамандандырылған ауданаралық тергеу сотымен күдікті Марат Бекетаевқа қатысты күзетпен ұстау түріндегі бұлтартпау шарасын 2024 жылғы 21 наурызға дейін ұзарту санкцияланды, — делінген хабарламада.
Былтыр 29 желтоқсанда Марат Бекетаевты қамауда ұстау мерзімі 2024 жылғы 21 қаңтарға дейін ұзартылған болатын. Одан кейін Астана соты экс-шенеунікті 2024 жылғы 21 ақпанға дейін қамауда ұстау туралы шешім қабылдады.
Еске салсақ, ол өкілетін асыра пайдаланды деген күдікпен елден қашпақ болған кезінде ұсталған еді.
Фото: Tengrinews.kz
