Әділ қоғам құру жолында жастарды жемқорлыққа қарсы тәрбиелеу
Қазіргі таңда жемқорлық мәселесі әлемнің көптеген елдерінде өзекті болып отыр, оның ішінде Қазақстан да бар. Жемқорлық қоғамның барлық салаларына әсер етеді, оның ішінде экономика, саясат, білім беру жүйесі және құқық қорғау органдары да бар. Жемқорлықтың алдын алу және оны жою үшін жастарды дұрыс тәрбиелеу, оларды адалдық пен әділдікке баулу маңызды қадамдардың бірі болып табылады.
Жастар қоғамның болашағы болғандықтан, олардың санасында жемқорлыққа қарсы күресті жеңіп, әділ әрі адал қоғам құру-мемлекеттің дамуына елеулі үлес қосатын фактор. Сондықтан да жастарды жемқорлыққа қарсы тәрбиелеу мәселесі бүгінгі күні өзекті болып табылады.Жемқорлықтың адамзатқа тигізетін зияны көп. Ол тек экономикалық мәселелерге ғана әсер етпейді, сонымен қатар әлеуметтік әділетсіздікке, құқық бұзушылықтардың артуына, мемлекеттің билік органдарының тиімділігіне теріс әсер етеді. Бұл жағдайлар қоғамдағы сенімнің төмендеуіне, заңның үстемдігін әлсіретуге және құқықтық тәртіптің бұзылуына алып келеді.
Әл-Фараби атындағы ҚазҰУ Заң факультеті азаматтық құқық және азаматтық іс жүргізу, еңбек құқығы кафедрасы жоғарыда аталған жайттарды ескере отыра, білім алушыларды жемқорлыққа қарсы тәрбиелеу мақсатын қолға алды,болашақ заң саласының қызметкерлерін әділдікті ту еткен маман болуларына күш салуда. Білім алушылардың құқықтық сауаттылығы мен моральдық ұстанымдарын дұрыс қалыптастыру — жемқорлыққа қарсы күрестің басты құралы болып табылады. Әр адам құқықтарын, заңды дұрыс түсініп, моральдық тұрғыдан таза болуы тиіс. Сондықтан жастарды әділдік пен адалдыққа тәрбиелеу өте маңызды. Жастарды жемқорлыққа қарсы тәрбиелеу — бұл олардың болашақта мемлекетке деген сенімін арттыру, мемлекет пен қоғам алдындағы жауапкершілігін сезінуін қамтамасыз ету. Сондай-ақ, жас ұрпақтың адалдық пен әділдікке негізделген құндылықтарға деген көзқарасын өзгерту-мемлекетіміздің дамуының кепілі болмақ.
Кафедрада жемқорлықтың қоғамға тигізетін зиянды әсерлері туралы кеңінен түсіндірудеміз.
Жемқорлықтың адам құқықтарына, әлеуметтік әділеттілікке, экономика мен білім беру жүйесіне қалай әсер ететінін түсіндіру жастардың санасында терең орын алады. Бұл жастарды жемқорлыққа қарсы күресте белсенді болуға, өздерінің азаматтық міндеттерін орындауға ынталандырады.
Жастарды жемқорлыққа қарсы тәрбиелеу- еліміздің болашағын қамтамасыз ету үшін ең маңызды қадамдардың бірі. Жемқорлықтың зиянын түсіндіру, адалдық пен әділдікті насихаттау, жастардың құқықтық білімін арттыру-бұл елдің тұрақты дамуының кепілі. Жастарды әділдікке тәрбиелеу арқылы біз болашақта сыбайлас жемқорлықпен күресуде маңызды жетістіктерге жете аламыз. Қоғамдағы әділдікті қалыптастыру, ұлттық сана мен құқықтық мәдениетті дамыту жолында жемқорлыққа қарсы тәрбиенің маңызы зор.
С. СУЛЕЙМЕНОВА,
әл-Фараби атындағы ҚазҰУ
Заң факультеті азаматтық құқық және азаматтық іс жүргізу,
еңбек құқығы кафедрасының меңгерушісі, заң ғылымдарының докторы, профессор
