«Келесі кім?!»: Жәнібек Әлімханұлы чемпиондарды жекпе-жекке шақырды

Бокстан WBO нұсқасы бойынша орта салмақтағы әлем чемпионы Жәнібек Әлімханұлы (14-0, 9 КО) канадалық Стивен Батлерді (32-4-1, 26 КО) жеңгеннен кейін көпшілікке мәлімдеме жасады, деп хабарлайды Qazaqinfo.kz.

Еске сала кетсек, бүгін 12 раундқа есептелген кездесу 2-раунда аяқталған болатын.

Оқи отырыңыз: Жәнібек Әлімханұлы қарсыласын нокаутқа түсірді (ВИДЕО)

Жәнібек қарсыласын екі рет нокдаунға, кейін нокаутқа жіберді. Осылайша, қазақстандық WBO чемпионы атағын екінші рет қорғап қалды.

Чемпиондар мен супержұлдыздар, қайдасыңдар? Мен сендерге бара жатырмын. Жекпе-жекке шығайық. Мен орта салмақтың королімін! Келесі кім?! Кез келген күні шығамын, тіпті ертең шығамын десеңдер де әзірмін. Кез келген салмақтағы кез келген қарсыласпен жұдырықтасуға дайынмын, — деді Жәнібек Әлімханұлы.