Қырғызстанда Күдебаевтың қашу ісі бойынша 4 күдікті тергеліп жатыр
Қырғызстанда Алматы облыстық Полиция департаментінің бұрынғы бастығы Серік Күдебаевтың қашу ісі бойынша төрт күдікті тергеліп жатыр, деп хабарлайды Qazaqinfo.kz 24.kg ақпарат агенттігіне сілтеме жасап.
Агенттік дереккөзінің мәліметінше, Күдебаев Қазақстан-Қырғызстан шекарасын заңсыз кесіп өткен.
Растауда талап ететін ақпаратқа сәйкес, Шекара қызметінің әскери қызметшісі оның Қырғызстан аумағында болуын заңдастырған.
Бұдан әрі Серік Күдебаев Түркияға «Манас»әуежайы арқылы ұшып кетті. Әскери прокуратура заңсыз көші-қон фактісі бойынша қылмыстық іс қозғады. Қазір бұл іс бойынша төрт адам тергеліп жатыр. Олар Бішкектің тергеу изоляторына қамалды. Алдын ала ақпарат бойынша, айыпталушылардың бірі — әскери қызметші, қалған ұсталғандар қарапайым азаматтар, — деп хабарлаған құқық қорғау органдарындағы дереккөз.
Еске салсақ, сот шешімі бойынша Алматы облыстық ПД экс-басшысы Серік Күдебаев 10 жылға бас бостандығынан айырылды.
Фото: М.Казачковтың Telegram арнасы
