«Kazakhmys Energy» компаниясына 27 млн теңге айыппұл салынды
Ұлытау облысының прокуратурасы құрамына Жезқазған және Балқаш жылу электр станциялары кіретін «Kazakhmys Energy» ЖШС қызметіне тексеру жүргізді, деп хабарлайды Qazaqinfo.kz ведомствоның баспасөз қызметіне сілтеме жасап.
Аудит заң талаптарының сақталуына, сондай-ақ негізгі жабдықты жаңғыртуға қатысты.
Өнеркәсіптік қауіпсіздік, техникалық реттеу, электр энергетикасы, еңбекті қорғау, санитарлық-эпидемиологиялық нормалар бойынша 600-ге жуық бұзушылық анықталды.
Атап айтқанда, нысандарды жаңғыртуға инвестицияның аздығы. Қолданылған шаралар ағымдағы ақауларды жоюмен шектелді. Электр станциялары мен желілерін техникалық пайдалану ережелерін бұзу, жылу желілерінің температуралық кестелерін сақтамау, бақылау-өлшеу құралдарын уақтылы тексермеу және т.б., – делінген прокуратураның хабарламасында.
Барлық анықталған бұзушылықтар бойынша уәкілетті органдарға 16 прокурорлық қадағалау актісі енгізіліп, кінәлі тұлғалар 27 млн.теңгеге әкімшілік жауапкершілікке тартылды.
Бүгінгі күні «Kazakhmys Energy» ЖШС 21 млн теңгеден астам айыппұлды төлеп үлгерді. Сондай-ақ, уәкілетті органдарға Жезқазған және Балқаш ЖЭО-ларындағы заң бұзушылықтарды жою жөнінде нақты шаралар мен мерзімдер, соның ішінде жабдықтарды жаңғырту бойынша нұсқаулықтар берілді, – деп толықтырды ведомстводан.
Фото: wikipedia/Athineos. owne
