Танымал имам Нұрлан Байжігітұлы TikTok-тан қанша табыс тапқанын айтты (ВИДЕО)

Танымал имам Нұрлан Байжігітұлының TikTok желісінен қанша табыс тапқаны белгілі болды, деп жазады Qazaqinfo.kz тілшісі.

Имам бұл туралы «Хабар» телеарнасының «Алғашқы» бағдарламасына берген сұхбатында айтқан.

Нұрлан Байжігітұлы алғашқыда видео түсіруге ұялғанын жеткізді.

Мен үшін ТикТокқа әсер еткен — ол ұлым. Мен алғаш түсіргенде қатты ұялдым, қысылдым. Өзім басқа бір бөлмеге кетіп қалып түсірдім. Енді бастапқыда қиын болды, себебі 1 минутқа не айтып үлгеремін, нені сыйғызамын ішіне. Енді 1-1,5 сағат уағыз айтып жүрген адам болғандықтан барлық әңгімені 1 минутқа сыйғызу өте қиын болды. Өте көп дубль болды. Тым көп жаздым, — дейді имам.

Осы орайда имам тікелей эфиріне 7 мыңнан астам кіретінін айтты.

Халықтың қолдауын соңғы кездері сезіне бастадым. Басында қасымдағы қари бауырыма осы TikTok-қа бірге кірейік осылай видеолар жасап, уағыз айтайық дедім. Дегенмен бір өзім осыны бастап кеттім. Мысалы менде эфирде 7 мыңнан аса адам отырады. Ал сен ондай адамды мешітте жинай алмайсың. Мешіттің мінберімен, әлеуметтік желінің мінбері бірдей болып кетті. Бастысы уағызымды айтып, жастарға дұрыс жол сілтеп отырмын. Енді монитизацияға келер болсақ, осы 2 жылдың ішінде 800 доллар түсіпті. Бірақ оны елдің ішінде нақты ақшаға аударып бермейді екен. Бірақ сондай ақша тұрғанын көрдім, — дейді Нұрлан Байжігітұлы.

Фото: ашық дереккөз