Оқиға
Абай облысында тағы да өрт болды
![](https://qazaqinfo.kz/wp-content/uploads/2023/07/ygyg-780x470.jpeg)
Абай облысына қарасты Көкпекті ауданында қамыс өртенді, деп хабарлайды Qazaqinfo.kz.
Жергілікті атқарушы органдардың ақпаратына сәйкес, өрт кеше сағат 11.00 шамасында болған.
Көкпекті ауданы Үлгілі-Малшы ауылынан 50 шақырым жерде қамыс өртенді. Оқиға орнына қарауылдау жүзеге асыратын жергілікті атқарушы органдардың бейінді қызметтерінің өкілдері дереу шықты, – делінген хабарламада.
Өрт шамамен 200 гектар жерге тараған.
Елді мекендерге қауіп жоқ. Қаза тапқандар мен зардап шеккендер жоқ, – делінген облыстық ТЖД хабарламасында.
Үлгілі-Малшы ауылдық округі әкімдігінің ақпараты бойынша Мемлекеттік өртке қарсы қызмет органдарының күштері мен құралдарының тартылуы қажет емес.
Фото: gov.kz