ҚазҰУ Заң Факультеті – сапалы білім берудің көшбасшысы
Қазақстанның құқықтық білім беру саласында заманауи талаптарға сай дайындалған, жоғары кәсіби біліктілігі бар мамандарды қалыптастыру мақсатында жұмыс істейтін Заң Факультеті – сапалы білім берудің көшбасшысы ретінде ерекшеленеді. Факультет білім беру үрдісін үздіксіз жетілдіріп, ұлттық және халықаралық деңгейде беделді құқық саласының мамандарын тәрбиелеуге зор үлес қосуда.
Білім – қоғамның дамуының негізі және тұрақты болашаққа жетудің басты құралы. Біріккен Ұлттар Ұйымы бекіткен Тұрақты даму мақсаттарының (ТДМ) 4-ші тармағы – «Сапалы білім беру» барлық деңгейде инклюзивті, әділ және сапалы білім беруді қамтамасыз етіп, өмір бойы оқу мүмкіндігін ілгерілетуді көздейді.Заң факультеті оқу бағдарламаларын халықаралық стандарттарға сәйкес үнемі жаңартып отырады. Бағдарламалар:
Теориялық негіздер: Азаматтық, қылмыстық, әкімшілік, халықаралық құқық сияқты негізгі бағыттарды қамтиды.
Практикалық оқыту: Заң клиникалары, симуляциялық сот процестері және тәжірибелік семинарлар арқылы студенттер нақты құқықтық жағдайлармен жұмыс істеуді үйренеді.
Инновациялық технологиялар: Цифрлық ресурстар мен заманауи оқу құралдары білім беру үрдісін интерактивті және тиімді етеді.Факультет студенттердің теориялық білімін тәжірибемен ұштастыруға ерекше мән береді.
Заң Факультеті халықаралық ынтымақтастықты дамытуға ерекше көңіл бөледі. Әртүрлі шетелдік университеттермен және ғылыми орталықтармен серіктестік орнату арқылы:студенттер алмасу бағдарламалары жүзеге асырылады, бұл өз кезегінде әлемдік тәжірибені меңгеруге мүмкіндік береді.Ортақ ғылыми жобалар мен конференциялар өткізіледі, олар құқықтық білім беру саласындағы жаңа трендтер мен инновацияларды талқылауға жағдай жасайды.Әл-Фараби атындағы ҚазҰУ заманауи білім беру мен ғылыми-зерттеу саласындағы үздік үлгі. Факультет қалыптасқан жоғары деңгейдегі оқыту процесі мен практикалық дағдылар студенттерді құқық саласындағы болашақ лидерлерге айналдыруға зор мүмкіндік береді. Осындай білім беру жүйесі еліміздің құқықтық мәдениетін, сот жүйесінің әділдігін және құқықтық реформалардың тиімділігін арттыруға бағытталған.Қара шаңырақ сапалы білім берудің көшбасшысы ретінде тек білім алушыларды кәсіби тұрғыдан ғана емес, тұлғалық және моральдық құндылықтармен де қамтамасыз етеді. Оның білім беру үрдісіндегі жетістіктері мен инновациялық әдістері елдің құқықтық жүйесінің дамуына және азаматтық қоғамның тұрақтылығына зор үлес қосуда. Болашақта да Заң Факультеті өз деңгейін арттыра отырып, құқық саласындағы жетекші білім беру мекемесі ретіндегі орнын нығайтатынына сенім мол.
С. Сулейменова,
әл-Фараби атындағы ҚазҰУ-дың заң факультеті азаматтық құқық және азаматтық іс жүргізу,еңбек құқығы кафедрасының меңгерушісі,заң ғылымдарының докторы,профессор
