Жоғарғы соттың төрағасы қамауға алынды

Украинаның жемқорлықпен күрес қызметі Жоғарғы сот төрағасы Всеволод Князевті «пара алып жатқан сәтте» ұстаған. Бұл ақпаратты Украинаның жемқорлықпен күрес жөніндегі ұлттық бюросы (НАБУ) хабарлаған. Пара көлемі 3 миллион доллар деп көрсетілген, деп хабарлайды Qazaqinfo.kz.

Азаттық-тың жазуынша, НАБУ «Жоғарғы соттағы жаппай жемқорлықты, нақтырақ айтқанда, Украина Жоғарғы сотының басшылары мен судьялары пара алатын схеманы әшкерелегенін» мәлімдеген.

Украинаның «Фокус» басылымының хабарына қарағанда, 2021 жылғы 22 қазанда Всеволод Князев Украина Жоғарғы сотының төрағалығына сайланған. Сол жылы 1 желтоқсаннан бастап қызметіне кіріскен.

Биыл 1 наурызда Украинаның жемқорлыққа қарсы жоғарғы соты Днепр қаласының аудандық сотының судьясын 30 мың доллар пара алды деп танып, 10 жылға соттаған. Кейінгі кездері Украинада осыған ұқсас сот процестері жиілеген.

Фото: ашық дереккөз